Johannesburg Verander Area
  • Vandag

    19°C / 8°C

    Wind 21km/h

    Reënval 0.0mm

    Humiditeit 21%

  • Dinsdag

    17°C / 7°C

    Wind 17km/h

    Reënval 0.0mm

    Humiditeit 41%

  • Woensdag

    17°C / 8°C

    Wind 6km/h

    Reënval 0.0mm

    Humiditeit 37%

  • Donderdag

    18°C / 9°C

    Wind 16km/h

    Reënval 0.0mm

    Humiditeit 31%

  • Vrydag

    19°C / 8°C

    Wind 13km/h

    Reënval 0.0mm

    Humiditeit 27%

  • Saterdag

    19°C / 8°C

    Wind 13km/h

    Reënval 0.0mm

    Humiditeit 25%


Die wêreld om ons

Rubriek: Kyk na krieke en jy verstaan die mensdom

Erik Holm

Vrydag 28 Junie 2013

By diere is dit gewoonlik die mannetjies wat meeding om rangorde in die trop – en uiteindelik gaan dit maar oor die wyfies.

Een mannetjie is genoeg om saam met ’n groot klomp wyfies die spesie se voortplanting te verseker. Daarom is daar altyd te veel mannetjies en is die natuur soms rof met hulle.

Die primitiefste vorm van uitdunne is gevegte. Skape, bokke, beeste en baie wildsbokke stamp eenvoudig kop tot een van hulle bes gee.

Kangaroes en hase boks met hul voorpote. Dié gevegte is selde dodelik, maar erg vir die breinselle en kom dus algemeen voor by diere wat min daarvan het of nodig het.

Intelligenter diere het minder skadelike vegmetodes. Sommige soorte skeerbekmuise staan byvoorbeeld net en skree op mekaar totdat een se senuwees ingee en hy gesteriliseer wegsluip.

Die volgende, beter stap is om die wyfies te probeer beïndruk met statussimbole. Die ereboogvoëls bou byvoorbeeld paleise om wyfies te beïndruk en dans en sing dat dit ’n naarheid is. (Hulle saboteer en besteel ook die kompetisie se konstruksies.)

Feitlik alle mannetjies – van insekte tot takbokke – het helder kleure en nuttelose uitgroeisels vir vertoon. Dié statussimbole kan teenproduktief raak as die mannetjie met die grootste horings die wyfie kry, terwyl hy geneties andersins minderwaardig is.

Die beste statussimbole is uiteindelik dié wat ’n hindernis vir die mannetjie kan wees; iets wat sy fiksheid om te oorleef kan takseer, soos die stert van ’n pou of flap.

Verleng jy ’n flap se stert met ’n stuk swart lint, kry hy al die wyfies. Vir hulle lyk dit of hy baie fiks moet wees om met so ’n stert te oorleef. By roofdiere kan die wenner erg beseer raak in so ’n magstryd. Hul rangorde-gevegte neig dus meer na vertoon- of dreiggevegte eerder as die ware Jakob. Die mensdom het ook in daardie rigting ontwikkel.

Die mooiste voorbeeld hiervan kry jy by kriekmannetjies. Hulle hou skouspelagtige, bloedlose rangordegevegte waarin die sterkste een nie noodwendig wen nie. As jy in ’n rangorde van sê een tot tien byvoorbeeld no. 5 of 6 vir ’n ruk isoleer sodat vyf elke aand wen en ses verloor, gebeur iets vreemds as jy hulle terugsit by die res. No. 5 gee dadelik almal bo hom pak en no. 6 sak uit na laaste.

Dit lyk dus of vertoon-rangordes gegrond is op selfvertroue. ’n Wenkriek gee ook ’n “oorwinningskreet” ná ’n geveg en intimideer die verloorder só. Maak jy die kriek doof, hoor hy nie die belediging nie, word al hoe kordater en eindig dikwels heel bo!

Die lessie? As jy boaan die pikorde wil eindig, ontwikkel jou meerderwaardigheidskompleks en skakel jou minderwaardigheidskompleks af.

Moenie werk aan werklike gehalte nie, dit is tydmors. Dit verklaar ook hoe die wêreld bevolk geraak het deur sulke talentlose en dom politieke leiers. Dowe krieke!



  • spotprent

    Beeld se spotprent, 29 Julie 2014

  • aktueel

    Nuwe gees gee Kerk weer ’n kans

  • hoofartikels

    Vrede in Israel verg politieke wil

  • rubrieke

    Vernedering wat klou soos ’n neet

  • briewe

    Als sal regkom in nuwe sonskynnasie

  • rubrieke

    Talle blink uit sonder matriek

  • briewe

    Ek het gedien en salueer generaals

  • voorblad

    Beeld se voorblad, 29 Julie 2014

  • briewe

    Vakansieklub-lede word só uitgebuit

  • briewe

    Ons is moeg vir al hierdie e-bollie

  • briewe

    Pak kwotas in sportsoorte trompop

  • briewe

    Sluit dan maar net die OB se kantoor!

  • sielsgoed

    Goeie Nuus

  • So sê Beeld-lesers op Facebook en Twitter

  • Wat sê jy?

  • spotprent

    Beeld se spotprent, 28 Julie 2014

  • rubrieke

    Moenie EFF as ’n grap afmaak

  • voorblad

    Beeld se voorblad, 28 Julie 2014

  • hoofartikels

    Zuma móét getuig voor kommissie

  • rubrieke

    Skoorsoek 101: Laat 26 van jou 40 vroue erf

  • briewe

    Croucamp verwater goeie argument so

  • briewe

    Hoekom kap niemand Medunsa nie?

  • briewe

    Héle FNB-stadion sing ‘Stem’-deel

  • briewe

    Motiewe laat RAU sneuwel

  • Wat sê jy?