Johannesburg Verander Area
  • Vandag

    20°C / 8°C

    Wind 11km/h

    Reënval 0.0mm

    Humiditeit 24%

  • Donderdag

    21°C / 8°C

    Wind 13km/h

    Reënval 0.0mm

    Humiditeit 19%

  • Vrydag

    20°C / 8°C

    Wind 18km/h

    Reënval 0.0mm

    Humiditeit 17%

  • Saterdag

    17°C / 8°C

    Wind 13km/h

    Reënval 0.0mm

    Humiditeit 26%

  • Sondag

    18°C / 7°C

    Wind 17km/h

    Reënval 0.1mm

    Humiditeit 34%

  • Maandag

    18°C / 7°C

    Wind 13km/h

    Reënval 0.2mm

    Humiditeit 37%


André le Roux

Rubriek: SA verloor sy M-handelsmerk

Saterdag 29 Junie 2013

Die dag as Suid-Afrika van Nelson Mandela se graf af wegdraai, gaan hy hom in homself vasloop.

Ons het reeds ons Madiba-handelsmerk verloor en daarmee die politieke en ekonomiese verebed waarop dié land in 1990 geland en sedertdien gerits het.

Die tekens is reeds daar dat Suid-Afrika voor ’n nuwe werklikheid staan.

Die afgelope week is bekend gemaak dat regstreekse buitelandse beleggings in Suid-Afrika jaar ná jaar bly val, verlede jaar met $1,4 miljard (R14,2 miljard) vergeleke met 2011.

“Disinvestering” – ’n woord uit die donker sanksiejare – is weer met ons soos wat veral buitelandse mynmaatskappye hulle ontkoppel ná die Marikana-slagting en die ANC-spook van “nasionalisering” met nuwe ywer roer.

Suid-Afrika het sy internasionale statuur te danke gehad aan Mandela.

In die 23 jaar sedert sy vrylating het Suid-Afrika sy muishond-mantel afgegooi en, raar vir ’n Derdewêreldland, reeds twee termyne as tydelike lid van die Veiligheidsraad van die Verenigde Nasies gedien.

Dié land is, buite verhouding tot die grootte van sy ekonomie en sy werklike politieke invloed, die enigste Afrika-land in die G20-groep.

Suid-Afrika is tot vier jaar gelede as gas by G8-spitsberade betrek. Sedertdien – of eerder sedert Jacob Zuma se onbeholpenheid by die L’Aquila-G8 in 2009 – het die leiers van Tanzanië, Nigerië, Ghana en Kenia die uitnodigings gekry.

Die ANC-regering, met Mandela wat uit die openbare oog weggedryf het, het sy vervreemding in Wes-Europa en Noord-Amerika begin aanvoel.

Pres. Jacob Zuma se komieklike pogings om sy eertydse borg, kol. Moeammar Ghaddafi, van ’n revolusie te red, was dié keerpunt in die politieke belegging wat die Weste in die apartheidsjare aan die ANC in ballingskap gemaak het.

Dit het die erosie van Suid-Afrika se wêreldstatuur en politieke vertroue in die land sedert die Mandela-era verhaas.

Suid-Afrika kan, ná Mandela se dood, ten beste maar net hoop dat hy nog na die diplomatieke skemerkelkparty genooi sal word.

Of hy nog ’n plek aan die saakmakende internasionale besluitnemingstafel gaan vind, is te betwyfel.

Die voortekens van Suid-Afrika se uitsluiting bars reeds deur die oppervlak.

Sodra die internasionale gemeenskap die Zuma-bewind nie meer aan Mandela gelyk hoef te stel nie, gaan die wêreldlandskap vir Suid-Afrika drasties verander. Dit gebeur reeds tot ons skade.

So ervaar die Europese Unie (EU) hierdie ANC-regering se China-gerigtheid en houding teenoor Westerse maatskappye en beleggings toenemend as politieke én ekonomiese antagonisme.

Die EU kyk eerder na die ekonomiese gemeenskappe van Wes- en Oos-Afrika as meer polities volwasse vennote.

Die Britte het pas maatskaplike geldhulp aan Suid-Afrika gestaak.

Die VSA heroorweeg tans Suid-Afrika se status as ’n voorkeur-handelsvennoot.

Dit is ’n ou waarheid dat lande se politieke vennootskappe en hul handelsbande die twee kante van dieselfde munt is.

Wanneer die diplomatieke skemerkelkpartytjie verby is, bly dié waarheid oor: Lande en regerings het nie vriende nie, hulle het belange.

En wanneer die Madiba-moetie nie meer vir Zuma en sy regering beskikbaar is nie, sal die keiser ook sy klere verloor. Sy belange, bedoelende dié keer sy politieke belange, sal ontbloot wees.

Suid-Afrika betree gevolglik met sy bedenklike leiers ’n onsekere tydperk waarin hy net op homself aangewese sal wees.

Hierdie land sal nie op sy Madiba-rente kan bly teer nie.

Nelson Mandela sal dus ’n gat in Suid-Afrika se siel laat en hy verdien nie om dit te weet nie.



  • rubrieke

    Stories om herkoms van alles te begryp

  • rubrieke

    Die dood kan die lig laat skyn

  • aktueel

    #NextGiantLeap: Mars

  • voorblad

    Beeld se voorblad, 23 Julie 2014

  • spotprent

    Spotprent, 23 Julie

  • briewe

    Wetenskaplikes laat gnostisisme herrys

  • briewe

    VSA skiet óók passasiersvliegtuig neer

  • briewe

    Wag voordat ons skuld op Russe pak

  • briewe

    Twyfelaars, waarin glo julle dan?

  • hoofartikels

    Staat moet boere kan beskerm

  • briewe

    Skeidsregter het Haaie g’n gehelp

  • briewe

    Witbank trek aan kortste krag-ent

  • sielsgoed

    Uit die Woord

  • sielsgoed

    Goeie Nuus

  • Wat sê jy? Stuur ’n SMS na 45571

  • So sê Beeld-lesers op Facebook en Twitter

  • rubrieke

    Pa, vir jou wens ek ’n Bosveldplaas

  • rubrieke

    De Kock-parool is ’n bitter pil

  • aktueel

    Twyfel nié Bybel se pad

  • hoofartikels

    Zuma en regering takel OB af

  • spotprent

    Beeld se spotprent, 22 Julie 2014

  • voorblad

    Beeld se voorblad, 22 Julie 2014

  • briewe

    ’n Jong man vertel oor sy lewensles

  • briewe

    Pak swak staat oor kind se lyding

  • briewe

    Finale afskeid wag op almal

  • briewe

    Geldgierigheid kos SA sy waardes

  • briewe

    Israel wil net voortbestaan as volk

  • sielsgoed

    Goeie Nuus

  • So sê Beeld-lesers op Facebook en Twitter

  • Wat sê jy?

  • Spotprent, 20 Julie 2014

  • rubrieke

    ​Wêreld is tans skrikwekkend

  • briewe

    Poetin se hande het hul bloed op

  • hoofartikels

    Vliegramp Poetin se morele skuld

  • voorblad

    Beeld se voorblad, 21 Julie

  • rubrieke

    ​Wie’t matriek nodig om TV te kyk, regeer?

  • briewe

    Heelwat bronne oor ‘foute’ in Bybel

  • briewe

    Haaie is erg gehelp

  • briewe

    Daar is steeds arrogansie teen swartes

  • Wat sê jy?