Johannesburg Verander Area
  • Vandag

    20°C / 6°C

    Wind 20km/h

    Reënval 0.0mm

    Humiditeit 25%

  • Vrydag

    20°C / 8°C

    Wind 12km/h

    Reënval 0.0mm

    Humiditeit 21%

  • Saterdag

    23°C / 14°C

    Wind 17km/h

    Reënval 0.0mm

    Humiditeit 31%

  • Sondag

    21°C / 6°C

    Wind 22km/h

    Reënval 0.0mm

    Humiditeit 19%

  • Maandag

    19°C / 9°C

    Wind 12km/h

    Reënval 0.0mm

    Humiditeit 38%

  • Dinsdag

    21°C / 10°C

    Wind 14km/h

    Reënval 0.0mm

    Humiditeit 33%


Pieter du Toit

Rubriek: As die ANC sy mag verloor

Vrydag 19 Julie 2013

Dis 11 Mei 2014, 20 jaar ná Nelson Mandela se inhuldiging as Suid-Afrika se eerste demokratiese president en twee weke ná ’n algemene verkiesing op 27 April 2014. Hier is Beeld se hoofberig:

Potchefstoom. – Pres. Jacob Zuma het gisteraand laat ’n noodtoestand in die land afgekondig en die Grondwet opgeskort nadat voorlopige verkiesingsuitslae gewys het die ANC staan op die punt om sy meerderheid te verloor.

Dié ongekende stap is volgens hom nodig omdat daar “groot onsekerheid oor die juistheid van die uitslae is”.

Opposisiepartye, wat al geruime tyd oor ’n koalisieregering samesprekings voer, het die president se proklamasie skerp veroordeel en internasionale ingryping gevra. ’n Woordvoerder van die opposisie het gesê hulle het die regerende party in die aanloop tot die verkiesing gemaan om die demokratiese proses en Grondwet te eerbiedig, “maar sy ware kleure wys nou”.

Die presidensie het gesê die opskorting van die Grondwet – benewens die Handves van Menseregte – is gedoen sodat die regering “bandeloos ondersoek kan instel” na die verkiesing en of dit bekook is om die regerende party van sy mag “te stroop”. Die noodtoestand sal ook stabiliteit verseker omdat dit bepaal bestaande ampsbekleërs bly in hul poste totdat die regering die uitslae kan sertifiseer.

Die hoofregter het volgens sy woordvoerder skriftelik kapsie gemaak by die president. Hy is volgens die presidensie “na ’n plek van veiligheid” geneem en kon nie vir kommentaar bereik word nie.

’n Regeringswoordvoerder het gesê die minister van justisie, in oorleg met die president, sal in die tussentyd as die oppergesag van die reg funksioneer en dat “burgerlikes die regering kan vertrou om die regte ding in dié onstuimige en moeilike tyd te doen”.

Volgens die Onafhanklike Verkiesingskommissie (OVK) se voorlopige uitslae gaan die ANC vir die eerste keer tot minder as 50%-steun gedwing word. Net die uitslae in die ooste van Pretoria, landelike Noordwes, Kaapstad se noordelike voorstede en enkele townships rondom Port Elizabeth is nog uitstaande.

Onrus dreig in verskeie stede en dorpe nadat die OVK die voorlopige uitslae uitgereik het. ANC-ondersteuners hou vol “dit is onmoontlik” dat dié bevrydingsorganisasie se steun so verswak het terwyl ander sê die party moet getrou aan die gees van Suid-Afrika se politieke skikking bly en die uitslag aanvaar.

Die polisie en weermag is in die vernaamste stede ontplooi terwyl ’n aandklokreël ook van vanaand sal geld.

’n Span onder leiding van die minister in die presidensie gaan met die hoofkiesbeampte vergader sodat die uitslae nagegaan kan word. “Dis noodsaaklik sodat die land berusting oor die verkiesing kan kry,” het ’n presidensiële woordvoerder gesê en bygevoeg die ANC se sekretaris-generaal en hoofstrateeg sal die vergadering ook bywoon omdat hulle ’n “regstreekse belang” by die proses het.

Die ANC het gesê hy is verlig die staatshoof het opgetree. “Die president moet geprys word vir die manier waarop hy die opposisie se politieke opportunisme gesmoor het.”

Ontleders het die regering gewaarsku hy dobbel met die demokrasie.

Een meen ontslape ANC-leiers sou geskok gewees het oor die ANC se omgaan met grondwetlikheid. “Dr. Frederik van Zyl Slabbert het destyds gewaarsku die ware toets vir Suid-Afrika gaan kom wanneer die ANC mag verloor en hoe hy dit gaan hanteer. Ons demokrasie word afgetakel elke keer wanneer hy nie prosesse nakom en reëls eerbiedig nie,” het hy verduidelik.

• Die ANC weier om die mag in Potchefstroom aan die DA te oorhandig ná ’n mosie van wantroue in die burgemeester. Die hooggeregshof in Pretoria beslis Dinsdag oor die saak.



  • rubrieke

    Een mens, een stem, een paspoort

  • aktueel

    ‘Onder EFF stap ons Zim-paadjie’

  • spotprent

    Spotprent, 24 April 2014

  • Beeld se voorblad op Woensdag, 24 April 2014

  • hoofartikels

    Nkandlagate sal nie net weggaan nie

  • rubrieke

    Preek nes jy wil, elk se soeke na sin is haar eie

  • rubrieke

    Wat sal uitslag van kiesers sê?

  • briewe

    Tshwane-manne werk deur die nag

  • briewe

    Heropening van grondeise is nie wys

  • briewe

    Wettig die handel in renosterhoring

  • briewe

    Afrikaans sal gedy as ekonomie groei

  • briewe

    DA-SMS oortuig nie om DA te stem

  • briewe

    Zuma nie die enigste ongewenste hoë

  • briewe

    Só voorspel ek die verkiesingsuitslae

  • sielsgoed

    Goeie Nuus

  • voorblad

    Beeld se voorblad op Woensdag, 23 April 2014

  • sielsgoed

    Goeie Nuus

  • rubrieke

    Stém: Almal maak saak in demokrasie

  • rubrieke

    Kruis sluit ons werklikheid oop

  • hoofartikels

    Wie gaan met wie in bed spring?

  • briewe

    Dink mooi voor jy jou kruisie trek

  • briewe

    Groepsbelange is tog belangrik

  • briewe

    Grond: DA veg om beter wetgewing

  • aktueel

    Volksroetes na toekoms

  • briewe

    Die ANC verdien nie my stem nie

  • briewe

    Stem wel en stem reg op 7 Mei

  • spotprent

    Spotprent, 23 April 2014