Johannesburg Verander Area
  • Vandag

    18°C / 7°C

    Wind 22km/h

    Reënval 0.0mm

    Humiditeit 32%

  • Dinsdag

    17°C / 7°C

    Wind 21km/h

    Reënval 0.0mm

    Humiditeit 36%

  • Woensdag

    17°C / 8°C

    Wind 8km/h

    Reënval 0.0mm

    Humiditeit 36%

  • Donderdag

    18°C / 9°C

    Wind 16km/h

    Reënval 0.0mm

    Humiditeit 31%

  • Vrydag

    19°C / 8°C

    Wind 11km/h

    Reënval 0.0mm

    Humiditeit 23%

  • Saterdag

    19°C / 8°C

    Wind 9km/h

    Reënval 0.0mm

    Humiditeit 23%


Dana Snyman

Rubriek: Afrikaners is mos hoflik, dit kan julle glo

Beeld-deurloop

Vrydag 16 Augustus 2013

Ons Afrikaners is darem hoflike mense – veral as dit by die groetslag kom.

Ons sal beswaarlik iemand groet, dan wil ons weet hoe dit met hom of haar gaan. “Hoe gaan dit?” sal jy vra. En dan sal die ander een, sê maar, antwoord: “Nee, dit gaan goed, dankie.” Let wel: “Nee, dit gaan goed, dankie.” Asof die persoon effens twyfel of dit regtig goed gaan.

Min mense sal reguit vir jou sê: “Dit gaan sleg, man.” Of: “Man, ek het soveel ellende. Die lewe is ’n gemors.”

Ons is hopeloos te hoflik daarvoor. Jy sal, wanneer dit nie te goed met jou gaan nie, eerder iets sê soos: “Ek is darem nog in een stuk.” Of: “Ek skop darem nog.” Of hoe het my oorle oom Japie altyd gesê as jy hom vra hoe dit gaan? “Aanhou, uithou, kophou en bekhou, ou maat.”

’n Tante in Namakwaland het eenkeer toe ek haar vra hoe dit gaan, geantwoord: “Ek het darem gelukkig vanoggend bo die grond wakker geword, Kind.”

Iemand sal ook vir jou sê: “Ek haal darem nog asem.” Of: “My kop is darem nog in die lug en my voete op die grond.” Of: “Arm maar geduldig.”

Dan is daar dié wat eintlik wil kla, maar besef dit sal nie help nie. Vra jy so een hoe dit gaan, antwoord hy of sy: “Dit gaan met my maar soos dit met ’n arm man gaan.” Ander sal sê: “Dit sal tog nie help om te kla nie” – en dan byvoeg: “ ’n Toe bek is ’n heel bek.”

Dalk verbeel ek my dit net, maar dit voel vir my asof dit veral mans is wat sulke gelaaide antwoorde gee wanneer jy hulle vra hoe dit gaan. Vra jy ’n vrou hoe dit gaan, sal sy nie sommer antwoord “Stil soos ’n landmyn – moet net nie op my trap nie” nie. Of: “Die dokter sê ek lewe darem nog.”

Daar is ook dié wat vir jou wil sê dit gaan goed met hulle, dan gee hulle vir jou ’n kort verduideliking hoekom dit goed gaan. Hulle sal sê: “Dit gaan goed. Dis mos darem al weer Vrydag.” Of: “Dit gaan goed. Die Bokke het darem ’n slag weer gewen.”

Ander kere groet jy ’n ou en vra hom hoe gaan dit, dan antwoord hy: “Kan nie kla nie.” Ek wonder soms wat dit beteken. Kán die persoon nie kla nie? Of wíl die persoon nie kla nie? Partykeer sal een wel vir jou sê: “Ek wil nie kla nie.” En dan begin daardie persoon oor allerhande dinge te kla.

Dan kry jy natuurlik die optimiste – dié wat jou ’n ferm handdruk gee en sê: “Ek moet net keer of dit gaan beter.” Of: “Die Here is goed vir my.”

Ek het ook eenkeer ’n man gevra hoe dit gaan, toe antwoord hy: “Dit gaan met my goed. Ek voel soos ’n oorlogskip op ’n visdam.” Toe kyk hy my in die oë en vra: “En hoe gaan dit met jou?”

“Wil jy regtig weet?” is al waaraan ek kon dink om vir hom te sê.



  • spotprent

    Beeld se spotprent, 28 Julie 2014

  • rubrieke

    Moenie EFF as ’n grap afmaak

  • voorblad

    Beeld se voorblad, 28 Julie 2014

  • hoofartikels

    Zuma móét getuig voor kommissie

  • rubrieke

    Skoorsoek 101: Laat 26 van jou 40 vroue erf

  • briewe

    Croucamp verwater goeie argument so

  • briewe

    Hoekom kap niemand Medunsa nie?

  • briewe

    Héle FNB-stadion sing ‘Stem’-deel

  • briewe

    Motiewe laat RAU sneuwel

  • Wat sê jy?

  • spotprent

    Spotprent, 26 Julie

  • rubrieke

    Wie is Afrikaans se vyande?

  • voorblad

    Beeld se voorblad, 26 Julie 2014

  • Dis tyd vir doen, nie vir braai

  • Aanhaling van die week

  • Wat sê jy?

  • 45571