Johannesburg Verander Area
  • Vandag

    24°C / 11°C

    Wind 26km/h

    Reënval 0.3mm

    Humiditeit 38%

  • Donderdag

    20°C / 7°C

    Wind 22km/h

    Reënval 0.0mm

    Humiditeit 24%

  • Vrydag

    20°C / 7°C

    Wind 11km/h

    Reënval 0.0mm

    Humiditeit 21%

  • Saterdag

    22°C / 12°C

    Wind 17km/h

    Reënval 0.0mm

    Humiditeit 30%

  • Sondag

    22°C / 10°C

    Wind 16km/h

    Reënval 0.0mm

    Humiditeit 20%

  • Maandag

    19°C / 9°C

    Wind 13km/h

    Reënval 0.2mm

    Humiditeit 54%


Tim du Plessis

Rubriek: ’n Redakteur en ’n ware ‘pro’

Vrydag 16 Augustus 2013

Iewers in 1992 het Salie de Swardt, destyds redakteur van Beeld, Peet Kruger na sy kantoor laat kom. Peet was toe ’n jong politieke verslaggewer hier.

Salie het vir Peet gesê hy wil hom bevorder tot politieke beriggewer. Sou Peet instem, sou dit hom Beeld se politieke indoena gemaak het. Hy sou berig oor die belangrikste politieke gebeure van die dag en sy insigte daarin aan die lesers oordra.

Sou die redakteur iets meer oor die politiek wou weet, was Peet die een na wie hy sou gaan.

Peet sê toe vir Salie ja, hy sal graag politieke beriggewer wil wees. Maar Salie moet weet hy wat Peet is, ondersteun nie die NP nie. Hy is in die algemeen en so ongeveer meer Prog as Nat.

Synde die mens wat hy is, het Salie sonder om ’n oomblik te huiwer vir Peet gesê hy het vrede met sy politiek. Al wat hy van Peet verwag, is om ’n professionele joernalis te wees wat sorg dat Beeld die stories kry. Soos hulle sê, dit kos ’n pro om ’n ander een raak te sien.

So word Kruger toe Beeld se politieke beriggewer in een van die spanningsvolste, mees dramatiese tydperke in die land se geskiedenis. Die Kodesa-onderhandelinge, die ’94-verkiesing, die skryf van die ’96-Grondwet, die WVK-proses, kortom, “die hele katastrofe”.

Kruger was een van ’n merkwaardige korps van “historici op ’n drafstap” – soos joernaliste al genoem is – wat berig het oor ’n waarlik epogmakende tyd.

Deur alles was hy nooit enigiets anders as die man daardie dag in De Swardt se kantoor nie: ’n professionele joernalis tot in sy vingerpunte.

Hieraan dink ek alles laas week toe Kruger voor sy mense in Beeld se redaksiekantoor in Johannesburg staan en hulle meedeel dat hy die topbestuur van Media24 versoek het om hom uit sy veeleisende pos as redakteur te verplaas. Sodat hy sy arbeid kan lewer by ’n minder veeleisende werkstasie.

Hy kon bly sit het, die status en wat daarmee saamgaan, bly geniet het. Soos ander dikwels doen. Maar dis nie hoe Peet Kruger bedraad is nie.

Hy is Beeld se langs dienende redakteur. In totaal 13 jaar, uitgesonderd ’n jaar of wat in ’n ander hoedanigheid by Media24.

Kruger was daardie dag voor sy mense beskeie oor sy wagbeurt. Onnodig so. Want onder hom het Beeld gedy. Sy redaksielede – skrywers én ontwerpers – het stringe pryse en eerbewyse ingeoes. Verkope was etlike jare aaneen gerieflik bo die 100 000-merk. Beeld was ’n kommersiële sukses waaruit dié maatskappy ’n skaflike geldjie gemaak het.

Sulke dinge kom nie vanself nie. Dit gebeur hoofsaaklik as die regte leiers in posisie is.

As redakteur is Kruger ’n vesting van onwrikbaarheid. Altyd beleef, soms teruggehoue, selfs skaam. Maar onmoontlik om rond te stoot. Mag en vertoon het hom nóg betower nóg geïntimideer.

Hy het nooit voor gaan staan nie. Maar hy is omtrent altyd vorentoe geroep. Sy koerant het die praatwerk gedoen.

Kruger het sy lesers geken soos ’n goeie boer sy plaas ken. (Hy was immers in die befaamde Merensky-landbouskool in Tzaneen!) Die geouditeerde sirkulasiesyfer was vir hom mense wat hy gerespekteer het, nie ’n syfer nie.

Nie bang was voor nie, let wel. Kruger het soms posisies ingeneem wat hy geweet het nie strook met talle lesers se verwagtinge, vrese en ja, soms vooroordeel nie. Maar hy het altyd gehou by wat hy geglo het reg is.

Hy is ’n gedagtevennoot en ’n vriend van byna 30 jaar. Een wat goed weet hoe eensaam dit kan raak om ’n redakteur te wees.

Beeld gaan hom mis, dié koerantman/redakteur wat so alles verpersoonlik wat bekwaam en ordentlik is.

• Media24 sal binnekort aankondig wie Kruger sal opvolg.



  • rubrieke

    Een mens, een stem, een paspoort

  • aktueel

    ‘Onder EFF stap ons Zim-paadjie’

  • spotprent

    Spotprent, 24 April 2014

  • Beeld se voorblad op Woensdag, 24 April 2014

  • hoofartikels

    Nkandlagate sal nie net weggaan nie

  • rubrieke

    Preek nes jy wil, elk se soeke na sin is haar eie

  • rubrieke

    Wat sal uitslag van kiesers sê?

  • briewe

    Tshwane-manne werk deur die nag

  • briewe

    Heropening van grondeise is nie wys

  • briewe

    Wettig die handel in renosterhoring

  • briewe

    Afrikaans sal gedy as ekonomie groei

  • briewe

    DA-SMS oortuig nie om DA te stem

  • briewe

    Zuma nie die enigste ongewenste hoë

  • briewe

    Só voorspel ek die verkiesingsuitslae

  • sielsgoed

    Goeie Nuus

  • voorblad

    Beeld se voorblad op Woensdag, 23 April 2014

  • sielsgoed

    Goeie Nuus

  • rubrieke

    Stém: Almal maak saak in demokrasie

  • rubrieke

    Kruis sluit ons werklikheid oop

  • hoofartikels

    Wie gaan met wie in bed spring?

  • briewe

    Dink mooi voor jy jou kruisie trek

  • briewe

    Groepsbelange is tog belangrik

  • briewe

    Grond: DA veg om beter wetgewing

  • aktueel

    Volksroetes na toekoms

  • briewe

    Die ANC verdien nie my stem nie

  • briewe

    Stem wel en stem reg op 7 Mei

  • spotprent

    Spotprent, 23 April 2014