Johannesburg Verander Area
  • Vandag

    30°C / 16°C

    Wind 15km/h

    Reënval 0.0mm

    Humiditeit 12%

  • Donderdag

    28°C / 8°C

    Wind 32km/h

    Reënval 0.1mm

    Humiditeit 16%

  • Vrydag

    23°C / 9°C

    Wind 19km/h

    Reënval 0.0mm

    Humiditeit 10%

  • Saterdag

    23°C / 9°C

    Wind 19km/h

    Reënval 6.1mm

    Humiditeit 40%

  • Sondag

    24°C / 14°C

    Wind 13km/h

    Reënval 0.0mm

    Humiditeit 37%

  • Maandag

    27°C / 15°C

    Wind 11km/h

    Reënval 0.0mm

    Humiditeit 28%


BANKE

Capitec 'het wet oortree'

bloomberg,sake24
Donderdag 30 Mei 2013

Die Nasionale Kredietreguleerder (NKR) beweer Capitec het die Nasionale Kredietwet oortree met onder meer die aanvangsgeld wat hy op produkte hef.

Dié aangeleentheid is na die Verbruikerstribunaal verwys.

Capitec het gister in ’n Sens-verklaring gesê hy meen steeds dat die saak bevredigend opgelos kan word in ’n ondersoek.

Hy het in sy resultate vir die boekjaar tot einde Februarie in ’n nota daarna verwys en gesê die bank het regsadvies oor die beweringe ingewin.

Die groep se aandeelprys het gister deur die dag met 3,5% geval tot die laagste vlak sedert Desember en het uiteindelik 1,6% laer gesluit op R186,90.
African Bank Investments Limited (Abil), die grootste ongesekureerde lener in Suid-Afrika, het in Februarie bekend gemaak dat die reguleerder hom ‘n boete van R300 miljoen wil oplê weens bedrog by een van sy takke. Die groep betwis die aantyging. 
“Capitec moet meer deursigtig wees,” sê Neville Chester, ‘n fondsbestuurder by Coronation. “Die bankbedryf is gegrond op vertroue en jy moet baie versigtig wees om nie die mark die skrik op die lyf te jaag nie, maar terselfdetyd moet jy kommunikeer.” 
Hiper-konserwatief
Capitec Bank het vroeër vandeesweek gesê hy sal nie aan beleggers ’n verrassing oor slegte skuld gee nie.
Die bank het gereageer op ’n mediaberig wat te kenne gee die bank leen nog te veel uit.
Riaan Stassen, uitvoerende hoof, sê Capitec reageer nie sommer op mediaberigte nie, maar die artikel het ’n wanindruk geskep oor hoe die bank sake doen.
Hy meen daar is geen rede tot kommer nie.
“Ons sal nie die mark verras met slegte skuld nie," het hy gesê.
Volgens hom het Capitec reeds sedert Julie verlede jaar in afwagting van die verswakking in die kredietmark die kriteria waarvolgens hy uitleen wesenlik aangepas.
’n Grafika wat by die verklaring ingesluit is, toon dat Capitec Bank se uitleenkoers per maand van Oktober af afgeneem het.
Hy het ook die datums gegee waarop die bank sedert 2005 sy leningstermyne elke paar jaar verleng het. “Ons is gemaklik met ons kredietmodel.”
Daar bestaan kommer oor banke wat die afgelope jare baie persoonlike lenings toegestaan het; veral sedert African Bank se onlangs resultate wat die mark geskok het.
Persoonlike lenings staan ook as ongesekureerde lenings bekend omdat verbruikers nie bates nodig het wat as waarborg kan dien om geld te leen nie.
Stassen ontken dat daar ’n kredietborrel is. “Mense dink daar is ’n kredietborrel wat net gaan ontplof, maar dit gaan nie gebeur nie,” sê hy.
Stassen meen dis “ 'n oorverhitte mark wat nou geleidelik gaan afkoel” omdat banke minder van dié soort skuld toestaan.
Die oorverhitting hou verband met die hemelhoë groei wat die afgelope jare in ongesekureerde lenings gesien is. Dit gebeur gewoonlik wanneer al meer rolspelers ’n mark betree en al meer geld uitgeleen word. Die groei het intussen begin afplat, maar is steeds hoog.
African Bank het ook reeds verlede jaar begin om minder lenings toe te staan.
African Bank se aandeelprys het sedert begin Mei - toe hy ’n handelsoorsig uitgereik het - met 41% gedaal.
Ontleders sê dit het ook sentiment oor Capitec Bank beïnvloed en sy aandeelprys het sedertdien met 14% gedaal.
“ ’n Kredietborrel ontplof wanneer daar ’n groot katastrofe is; soos dat die staatsdiens 80% van sy personeel afdank,” sê Stassen.
Só 'n gebeurtenis sal verbruikers met hoë skuld verder onder druk plaas. Kommer oor verbruikers se skuldlas verhoog gewoonlik die besorgheid oor ’n borrel wat gaan bars en oor die hoeveelheid slegte skuld waarmee banke gevolglik gaan sit.
Ongesekureerde lenings het die afgelope jare skerp gestyg en kommer bestaan oor rolspelers in die mark se voorsiening vir slegte skuld.
Johny Lambridis, ’n portefeuljebestuurder van Element Investment Managers, meen ook daar was ’n borrel omdat daar te veel ongesekureerde lenings toegestaan is. Omdat rolspelers nou al minder uitleen, is dit “ 'n borrel wat besig om af te blaas”, sê hy.
“Net tyd sal (egter) leer of dit te laat was,” sê hy.
Capitec Bank het ná African Bank se resultate ’n aanbieding aan ontleders gedoen om hulle in te lig oor die stand van sy sake.
“Ons doen voortdurend aanpassings om te verseker dat daar nie verrassings is wat betref slegte skuld nie,” sê Stassen. Daar is ’n “senuagtigheid” in die mark vir ongesekureerde lenings wat aangedryf word deur die sterk groei wat die bedryf gehad het en vrese dat die ekonomiese afswaai tot 'n groot skuldlas kan ly.
Capitec 'anders as African Bank'
Volgens Stassen is die senuagtigheid vererger deur African Bank se resultate wat die mark onkant betrap het.
Capitec Bank verskil egter wesenlik van African Bank.
Op 'n vraag of kliënte ook senuagtig is, sê hy hulle sien netto groei in deposito's (wat beteken dat meer geld gedopeneer word as wat onttrek word).
Capitec het die beste kapitaaltoereikendheidsverhouding in Suid-Afrika, sê Stassen.
Sy likiditeitsbestuur onderskei hom ook. Dit is gewoonlik met likiditeit wat banke ’n probleem ondervind as depossante hul geld probeer onttrek en dié geld uitgeleen is.
“Ons het sedert Capitec se ontstaan ’n baie konserwatiewe likiditeitsbenadering gevolg.”
“Ons is hiper-konserwatief want ons het ontstaan uit die kleinbankkrisis,” sê hy met verwysing na 13 jaar gelede se gebeure wat tot Saambou se ineentstorting gelei het. 

Lees alle artikels op Sake24.com  verniet. Gaan na Sake24.com  vir vars markpryse en die jongste geldnuus.

Gewild op Sake24.com  :



  • ekonomie

    Klingel-klingel by die kasregister

  • maatskappye

    Nog ’n ondersoek na lenings

  • ikt

    Internet behaal mylpaal

  • maatskappye

    Ja, hy hét gholf gespeel!

  • ikt

    Vodacom belê in vinniger netwerk

  • maatskappye

    SABMiller vry dalk harder

  • ikt

    ’n Visuele revolusie begin aanlyn

  • maatskappye

    SA maatskappye sluit nuwe Airbus-ooreenkoms

  • entrepreneurs

    Klein ondernemings ‘broei innovasie uit’

  • ekonomie

    Sukses in onseker bedryf

  • maatskappye

    Vier groot banke trotseer die storms

  • energie

    Gas word dalk goedkoper

  • maatskappye

    Vakansieklubs gaan uiteindelik vasgevat word

  • ikt

    Slimhorlosies bring omwenteling in bemarking

  • energie

    Eskom trek sy sokkies op

  • landbou

    Boereverneukery, sê aandeelhouer op warm vergadering

  • ekonomie

    Obsa leen R3,5 miljard aan buurstate

  • ekonomie

    Dollars stroom uit SA weens rentekoersvrees

  • ikt

    SA verskaffer nou PayPal-vennoot

  • ekonomie

    Taai ekonomie raak ook plastiekherwinning

  • mynbou

    AngloGold se planne aan skerwe

  • maatskappye

    PPC lê sy sementspore na die noorde

  • ikt

    Twyfel oor Telkom laat aandeel daal

  • energie

    Beurtkrag kom dalk dié somer

  • maatskappye

    Privateskolegroep koop drie skole

  • ikt

    Alibaba gaan nog groter

  • landbou

    Amerikaners suur oor suiker

  • ikt

    Dis té groot, té vinnig, té veel, sê Minecraft-skepper

  • maatskappye

    Wal-Mart draai New Yorkers rat voor oë

  • landbou

    Geen melkwit glimlag vir Clover

  • landbou

    Boere sê ja vir Zeder-aanbod

  • mynbou

    AngloGold gaan nié ontbondel

  • ekonomie

    Wêreldmarkte storm voort, maar lande groei nie

  • landbou

    Voedselgroep pen datum vir notering vas

  • energie

    Olieprys daal skerp oor Chinese data