Johannesburg Verander Area
  • Vandag

    16°C / 5°C

    Wind 14km/h

    Reënval 0.0mm

    Humiditeit 20%

  • Sondag

    18°C / 7°C

    Wind 6km/h

    Reënval 0.0mm

    Humiditeit 17%

  • Maandag

    20°C / 6°C

    Wind 9km/h

    Reënval 0.0mm

    Humiditeit 13%

  • Dinsdag

    21°C / 7°C

    Wind 5km/h

    Reënval 0.0mm

    Humiditeit 13%

  • Woensdag

    21°C / 8°C

    Wind 7km/h

    Reënval 0.0mm

    Humiditeit 12%

  • Donderdag

    23°C / 9°C

    Wind 5km/h

    Reënval 0.0mm

    Humiditeit 12%


Hou dié stuiweraandele dop

Shaun van den Berg,Tegniese Siening
Vrydag 14 Junie 2013
Al gaan dit nie op die oomblik so goed met Capitec se aandeelprys nie, bly dit 'n klassieke Suid-Afrikaanse voorbeeld van 'n stuiweraandeel, wat sedert sy notering met 10 283% gestyg het.

Dit word algemeen in Amerika aanvaar dat ’n maatskappy met ’n markwaarde van tussen $250 miljoen en $1 miljard as ’n sogenaamde kleinkapitalisasie-aandeel (small cap) gedefinieer word.

Met ’n rand van by die R10 per dollar kom so ’n omskakeling op ’n markwaarde van tussen R2,5 miljard en R10 miljard te staan.

Plaaslik werk die Amerikaanse definisie duidelik nie so goed nie. Dit is hoekom daar in Suid-Afrika eerder aanvaar word dat enige aandeel wat nié onder die top-100-aandele op grond van markwaarde is nie, as ’n klein-aandeel beskou word.

Die top-100-aandele bestaan uit die JSE se top-40-indeks, asook die JSE se indeks vir middelkapitalisasie-aandele, oftewel die JSE Mid Cap Index. Dit is dan ook die oorblywende 60 van die top-100-aandele.

Baie kleiner en private beleggers is lief vir stuiweraandele (penny stocks, baie goedkoop aandele), aangesien die potensiaal van ’n vinnige winskopie groot aantrekkingskrag het.

Ons weet almal van die prestasie van aandele soos Capitec, met ’n styging van 10 283%, Grindrod (6 291%) en Cashbuild (2 924%). Hulle het almal onder 500c verhandel met hul notering.

Stuiweraandele verhandel gewoonlik onder 100c en die maatskappy het dus ’n lae markwaarde. Dit is ook waarom dié aandele nie op die radarskerm van pensioenfondse en effektetrustfondsbestuurders is nie.

Dié soort aandele is uiters wisselvallig, baie inligting word nie daaroor bekend gemaak nie en min ontleders volg hulle.

Die aandele word as spekulatief beskou omdat dit beleggers aan hoë risiko blootstel.

Daar is baie redes waarom beleggers die meeste van dié aandele liefs moet vermy. Dit sluit in onsekere toekomstige vooruitsigte, die feit dat die maatskappy dikwels in ’n verliesmakende situasie is, dikwels van ’n hoë mate van hefboomfinansiering gebruik maak en ’n wisselvallige winsgeskiedenis en lae rentedekking het.

Nietemin is daar tog ’n paar sodanige aandele wat dalk die moeite werd is om te bekyk.

Poynting Holdings (JSE: POY) ontwerp, vervaardig en verskaf telekommunikasie-produkte aan die sellulêre, data- en verdedigingsmark, sowel plaaslik as internasionaal via sy filiale.

Dié aandeel verhandel tans teen ’n bewegende prys-verdienste-veelvoud van 7,3 en 1,3 keer sy netto batewaarde.

Die gevoel is dat die aandeel waarde bied, maar net spekulatiewe beleggers moet dit oorweeg. Dit is as gevolg van lae vlakke van herhalende inkomste en swak kontantskepping.

Die aandeel verhandel steeds onder sy bewegende gemiddelde van 50 dae en 200 dae en die langtermyn-tendens bly beeragtig. Die aandeel verkeer wel in oorverkoopte gebied, maar met geen duidelike tekens dat die aandeel aangeskaf moet word nie. Belangstellende beleggers kan nietemin die aandeel dophou.

Hiermee saam is daar Sekunjalo (JSE: SKJ), ’n swartbeheerde beleggingsbeheermaatskappy met beleggings in die vis- en akwateelbedryf, inligtingstegnologie en die farmaseutiese en biotegnologiebedryf.

Die aandeel verhandel tans teen ’n diskonto van 53,3% teenoor sy netto batewaarde op 93,8c per aandeel, terwyl sy prys net onder sy bewegende gemiddeldes is. Dit toets tans ’n sleutel-ondersteuningsvlak by sowat 53c.

Dié soort goedkoper aandele is beslis nie vir alle beleggers nie. Dit is egter ideaal vir spekulatiewe beleggers wat op soek is na die volgende groot suksesverhaal.

Die groot uitdaging is dat jy nie te oorywerig raak en groot hoeveelhede beleggingskapitaal in dié aandele belê nie.

* Shaun van den Berg is die hoof- tegniese ontleder van PSG Online.

Gaan na Sake24.com  vir gratis geldnuus en vars markaanwysers.

Gewild op Sake24.com:



  • geldsake

    Bateklasse: Loop nou lig vir aandele

  • ikt

    Naspers staan sterk op 100ste jaarvergadering

  • geldsake

    Bulmark: Tyd vir aktief of passief bestuurde fondse?

  • geldsake

    Vyf redes om te bedank

  • ikt

    Kuberkrakers breek by bank in

  • energie

    Sonpanele op water

  • geldsake

    Kyk onder radarskerm vir geleenthede

  • maatskappye

    Mense is die sleutel tot hotelbestuur

  • ikt

    Tencent loop deur onder sensuur

  • energie

    Petrolprys: Motoriste kry goeie nuus

  • maatskappye

    OBK maak sy stem dik oor direkteure se vergoeding

  • ekonomie

    Apartheidsdade: Ford, IBM nié skuldig

  • maatskappye

    Malaysia Airlines sny baie poste

  • maatskappye

    Adcock-hoof oor swak vertoning

  • energie

    Eskom wil hoftwis keer

  • maatskappye

    Woolies het wind in sy seile

  • maatskappye

    Uitbreiding van Burger King gee GPI ’n knou

  • maatskappye

    Fronse oor Joffe se Adcock-plan

  • mynbou

    Implats hersien sy aggressiewe groeiplan

  • maatskappye

    Koop en verkoop M&R se strategie

  • maatskappye

    Mustang nou wêreldwyd beskikbaar

  • ekonomie

    Groothandel-inflasie daal stadig maar seker

  • ekonomie

    Yanks skrik nie vir koue pampoen

  • ikt

    Internetreus se Ma rykste in China

  • ikt

    Samsung stel nuwe slimhorlosie bekend

  • maatskappye

    Massmart strydlustig oor mededinging

  • mynbou

    Implats vol vertroue dat platinumprys sal styg

  • maatskappye

    Selfs Woolies se klante maak meer slegte skuld

  • maatskappye

    Adcock bloei – en daar is nie pleisters nie

  • energie

    Petrol: Dalk kom groot verligting

  • maatskappye

    Rokers in Chili gee dobbelverdienste gas

  • maatskappye

    Sakevroue hou jaarkongres

  • ekonomie

    Resessie moontlik ontwyk met stagnerende groeisyfer

  • maatskappye

    Aussie-groep wil werk skep in SA