Johannesburg Verander Area
  • Vandag

    20°C / 8°C

    Wind 13km/h

    Reënval 0.0mm

    Humiditeit 20%

  • Vrydag

    20°C / 8°C

    Wind 20km/h

    Reënval 0.0mm

    Humiditeit 17%

  • Saterdag

    15°C / 4°C

    Wind 17km/h

    Reënval 0.0mm

    Humiditeit 35%

  • Sondag

    16°C / 6°C

    Wind 11km/h

    Reënval 0.0mm

    Humiditeit 22%

  • Maandag

    17°C / 6°C

    Wind 11km/h

    Reënval 0.0mm

    Humiditeit 39%

  • Dinsdag

    18°C / 6°C

    Wind 16km/h

    Reënval 0.0mm

    Humiditeit 32%


JSE

Bied beerfase ’n kans vir die stroomop belegger?

As jy waarde soek, sal jy geduld moet hê

Shaun van den Berg,Tegniese Siening
Vrydag 19 Julie 2013

’n Paar van die JSE se swaargewig-aandele, soos Richemont, MTN Group en Coronation, het onlangs nuwe hoogtepunte bereik en verhandel tans teen relatief hoë prys-verdienste-veelvoude (p/v’s) – ’n aanduiding dat die aandele tans nie as goedkoop gereken kan word nie.

Te midde hiervan is daar ’n swaargewig soos Anglo American, wat teen die laagste vlak in vier jaar verhandel, asook die platinumprodusent Jubilee, wat hom op die lys van nuwe laagtepunte bevind.

Daar is ook baie van die kleiner gekapitaliseerde aandele wat ver onder hul langtermyn- bewegende gemiddelde van 200 dae verhandel en in ’n beerfase verkeer.

Die vraag is of dié aandele nou vir die sogenaamde “stroomop” belegger ’n geleentheid bied en of daar liewer gewag moet word vir ’n besliste verandering in die onderliggende tendens.

Een van die aandele waar hierdie vraag tans van toepassing is, is Ellies (JSE: ELI). Dié groep is een van Suider-Afrika se grootste vervaardigers, groothandelaars en verspreiders van televisie-ontvangsprodukte.

Die groep het pas in ’n handelsoorsig bekend gemaak dat sy wesensverdienste per aandeel in die boekjaar tot einde April vanjaar na verwagting tussen 30% en 40% hoër sal wees as in die ooreenstemmende tydperk verlede jaar.

Die aandeel verhandel teen ’n bewegende p/v van 8,7 en kom teen hierdie vlak as goedkoop voor.

Tegnies verhandel die aandeel nou onder sy bewegende gemiddelde van 200 dae en beweeg dit nader aan oorverkoopte vlakke. Dit kan egter nog verder daal.

Hiermee saam vaar die aandeel relatief swakker as die JSE se indeks van alle aandele.

Aanduidings is dat die aandeel tot ’n vlak van sowat R6,80 kan daal voordat daar sprake van ’n moontlike ommeswaai kan wees.

Nog ’n aandeel waarom om bogenoemde vraag draai, is Cadiz (JSE: CDZ).

Dié maatskappy is ’n spesialis-verskaffer van finansiële dienste met die fokus op onder meer aandeleverhandeling, afgeleide instrumente, vaste-inkomstebeleggings, navorsing, korporatiewe oplossings, batebestuur en effektetrusts.

Die maatskappy se bestuur gee tans aandag aan ’n verskeidenheid van kwessies, waaronder die inwerkingstelling van ’n gedesentraliseerde sakemodel en die verskuiwing van die maatskappy se fokus tot die groei van inkomste op mediumtermyn en die beheer van koste.

Tegnies verhandel die aandeel ver onder sy 50-dae- en 200-dae- bewegende gemiddelde en die langtermyntendens bly beeragtig.

Die aandeel bied tans spekulatiewe moontlikhede. Net spekulante moet dus in dié stadium na die aandeel kyk.

Omsigtige beleggers moet na regte sowel tegniese as fundamentele faktore in ag neem wanneer ’n beleggingsbesluit oorweeg word.

Die uitdaging met die meeste aandele wat in ’n beerfase verkeer, is dat ander beleggers negatief is oor die betrokke maatskappy se vooruitsigte.

Vir die beleggers wat na waarde soek, sal ’n besluit egter baie geduld vereis.

* Shaun van den Berg is die hoof- tegniese ontleder by PSG Online.

Besoek www.sake24.com  vir gratis sakenuus en vars markinligting.



  • maatskappye

    Bierdrinkers in Suid-Afrika maak SABMiller bly

  • energie

    Kernkrag-knyptang wag

  • ekonomie

    Koersverhoging die ‘regte stap op die regte tyd’

  • maatskappye

    5 van SA beloon aandeelhouers die beste

  • entrepreneurs

    Ouer kleinsake ‘kort ook hulp’

  • mynbou

    Aksieplan vir minerale kom gou

  • ekonomie

    Afrika is oop vir besigheid

  • ekonomie

    Belonings help vele kopers in swaar tye

  • geldsake

    Hou beleggingsoog gerig op langtermyn-doelwitte

  • entrepreneurs

    Kompetisie wys 15 finaliste aan

  • ekonomie

    Tyd om waarde te ontsluit

  • ekonomie

    Verbruikers sien wêreldwyd weer lig

  • maatskappye

    Staat se gesloer sleg vir Ellies

  • maatskappye

    Herbalife bloei voor voorlegging oor ‘bedrog’

  • maatskappye

    Welvaartmyl lok miljarde rande

  • maatskappye

    Patel wil bedryf ‘oopstel’

  • ekonomie

    Verkope wys SA sukkel

  • geldsake

    Spaarwenke vir Spaarmaand: Tyd om te leer begroot

  • ekonomie

    Mercedes se S-Klas verkoop goed

  • ikt

    Apple gedy, Microsoft ly

  • mynbou

    Wêreld se grootste mynmaatskappy teken rekords aan

  • ekonomie

    Inflasie bly hoog, maar darem nie hoër

  • maatskappye

    'Ou vleis'- skandaal kring uit

  • ekonomie

    Staking: Werkgewers skop vas oor dié kwessie

  • geldsake

    Skuld: Maar kan jy dit bekostig?

  • mynbou

    Sishen se koste stabiliseer, maar ertsprys daal