Johannesburg Verander Area
  • Vandag

    24°C / 10°C

    Wind 26km/h

    Reënval 0.1mm

    Humiditeit 38%

  • Donderdag

    19°C / 6°C

    Wind 17km/h

    Reënval 0.0mm

    Humiditeit 28%

  • Vrydag

    20°C / 8°C

    Wind 12km/h

    Reënval 0.0mm

    Humiditeit 21%

  • Saterdag

    22°C / 12°C

    Wind 19km/h

    Reënval 0.0mm

    Humiditeit 29%

  • Sondag

    22°C / 6°C

    Wind 20km/h

    Reënval 0.0mm

    Humiditeit 26%

  • Maandag

    19°C / 8°C

    Wind 14km/h

    Reënval 0.0mm

    Humiditeit 49%


Goudmyne: Aandeelhouers kou klippe

David van Rooyen
Maandag 02 September 2013

Johannesburg. – Die moeilike toestande in die goudmynbedryf begin aandeelhouers duur te staan kom.

African Rainbow Minerals (ARM) gaan feitlik die helfte van sy belegging in Harmony Gold – R2 miljard – afskryf.

Dié afskrywing, wat Maandag aangekondig is, verminder ARM se basiese verdienste in die boekjaar tot 30 Junie 2013 tot R1,6 miljard teenoor R3,4 miljard in die vorige boekjaar.

Die rede hiervoor is dat Harmony se aandeelprys van R76,50 op 30 Junie tot net R35,75 teruggesak het, sê ARM. Dit beteken dat die waarde van sy belang van 14,6% in Harmony van R4,87 miljard tot net R2,27 miljard gedaal het. Dit is beduidend minder as wat daarvoor betaal is, en dit is beleid om sulke verskille deur die inkomstestaat af te skryf.

Benewens die laer goudprys, wat tot ’n slagting in die goudsektor op die JSE gelei het, het dit in die afgelope boekjaar aan die bedryfsfront nie te goed met Harmony gegaan nie.

Die wesensverdienste van R204 miljoen was 92% swakker as die R2,372 miljard van die vorige jaar weens ’n toename van 19% in produksiekoste en die tydelike sluiting van die Kusasalethu-goudmyn weens arbeidsonrus. ARM se ander bedrywighede het egter uitmuntend gevaar en die wesensverdienste het met 8% of R286 miljoen tot R3,737 miljard verbeter.

Aan die bedryfsfront het dit baie goed gegaan, want nikkelverkope het met 71% verbeter, dié van ystererts met 9%, steenkool met 22% en chroom met 102%. Koste is ook beheer. By die Nkomati-nikkelmyn is produksiekoste met 41% verminder en by die Goedgevonden-steenkoolmyn met 14%. By verskeie ander myne, platinum- myne ingesluit, is kostestygings tot minder as 10% beperk.

Die groep se nuwe projekte is ook op koers. Uitbreidings aan die Khomani-ysterertsmyn is voor die spertyd en binne die begroting voltooi.

By die Nkomati-myn, waar uitbreidings aanvanklik sukkel-sukkel gegaan het, verloop sake nou flink en het produksie met 66% toegeneem. Gevolglik het die platinum-afdeling, wat nikkel insluit, se bydrae tot die wins van R60 miljoen in 2012 tot R527 miljoen toegeneem.

Die Goedgevonden-myn produseer ná sy uitbreidings meer as waarvoor begroot is.

By die Lubambe-kopermyn in die Demokratiese Republiek van die Kongo is ’n konsentrator twee maande voor skedule in gebruik geneem.



  • maatskappye

    Jaar ná Rana Plaza-ramp is die wonde nog rou

  • maatskappye

    Motorreus vaar uit teen e-tolprobleme

  • ikt

    Occupy Wall Street 'kaap' polisie se Twitter-veldtog

  • ekonomie

    Inflasie raak aan Reserwebank se plafon

  • energie

    Aardedag: bespaar só energie

  • ekonomie

    Inflasie verloor dalk fut, petrolpyn ligter

  • maatskappye

    Transnet gee pensioentrekkers nog ’n bonus

  • geldsake

    Wenke wat jou werkaansoek kan versterk

  • landbou

    Storm oor navorsing bedreig Rooibosraad

  • ekonomie

    Jan Taks steek stokkie voor dié selfooneise

  • maatskappye

    Kleremaatskappy wil vinniger op modes reageer

  • landbou

    Nuwe sojapers aanwins vir SA

  • ekonomie

    China se floute sal SA nie regstreeks laat ly

  • ekonomie

    ‘Ontwikkeling in die Wes-Kaap neem nié af’

  • maatskappye

    Perlemoen, kreef help Sekunjalo

  • geldsake

    Kredietamnestie: Hoe voel jy oor skuld?

  • maatskappye

    Twitter-flater maak FNB se naam krater

  • ikt

    Groener Apple op Aardedag bekend gestel

  • ikt

    Microsoft se koop van Nokia-fone voltooi

  • mynbou

    Platinumgordel hou asem op oor nuwe loonaanbod