Johannesburg Verander Area
  • Vandag

    15°C / 3°C

    Wind 17km/h

    Reënval 0.0mm

    Humiditeit 36%

  • Sondag

    15°C / 5°C

    Wind 13km/h

    Reënval 0.0mm

    Humiditeit 21%

  • Maandag

    17°C / 7°C

    Wind 10km/h

    Reënval 0.0mm

    Humiditeit 42%

  • Dinsdag

    17°C / 6°C

    Wind 13km/h

    Reënval 0.0mm

    Humiditeit 34%

  • Woensdag

    17°C / 6°C

    Wind 5km/h

    Reënval 0.0mm

    Humiditeit 31%

  • Donderdag

    18°C / 7°C

    Wind 9km/h

    Reënval 0.0mm

    Humiditeit 26%


Kampvegter

Uitkeerpolis: R16 689,65 ná 26 jaar

‘Skamele bedrag’ skok

kampvegter
Vrydag 06 Desember 2013

Tussen ’n verbruiker se verwagtinge en die werklikheid lê soms ’n diep kloof.

Louisa Fransman van De Doorns het by Kampvegter gekla oor die uitkeerwaarde van ’n Sanlam-polis wat sy uitgeneem het en waarvan die uitkeerwaarde ver aan haar verwagtinge te kort skiet.

Sy vertel dat sy nadat polisbydraes oor ’n tydperk van 26 jaar vasgestel het dat die uitkeerwaarde daarvan slegs R16 689,65 is.

“Hierdie inligting was vir my skokkend, want hierdie polis het begin op 1 Mei 1987 en was tot 1 Mei 2013, wat meegebring het dat ek slegs die skamele bedrag van R16 689,65 vir 26 jaar se bydraes uitkry.

“Dit wil sê ek gaan nou slegs die paaiemente wat ek oor die jare inbetaal het, terugkry,” kla sy. “Ek het vir my doelwitte en ’n begroting opgestel wat vir my tydens my pensioenjare sou sorg, maar dit skyn nou alles in duie te stort.”

Fransman kla ook dat Sanlam eensydig die uitbetalingsdatum van 1 Mei 2014 van ’n polis in haar man se naam tot 1 Mei 2017 verleng het.

“Ek is glad nie te vinde vir die verlenging nie, want maak nie saak hoe lank dit verleng word nie, die uitkeerwaarde gaan nog steeds slegs die totaal van die paaiemente wees wat oor die jare inbetaal is.”

Kampvegter het Sanlam om ’n verduideliking gevra. Volgens Dorea Ozrovech, bestuurder: Sanlam kliënteverhoudinge, dring Fransman daarop aan dat die illustratiewe uitkeerwaarde soos gereflekteer in haar aanvanklike dokumentasie aan haar uitbetaal word.

“Toe die polis destyds uitgeneem is, is die kliënt van ’n volledige poliskontrak voorsien. Die illustratiewe uitkeerwaarde wat in 1987 in die poliskontrak voorsien is, is bereken teen ’n illustratiewe bonuskoers van 15%.

“Daar is baie duidelik in die poliskontrak aangedui dat die waardes illustratief is en nie gewaarborg is nie.

“Ons verwys ook na die volgende gedeelte uit die polisdokument: Die werklike voordele wat die polis bied, sal bepaal word deur die werklike bonuskoerse en berekeningsbasisse wat van tyd tot tyd geld.”

Volgens Ozrovech het Fransman se maandelikse premie aanvanklik R29,55 beloop en is dit weens ongeskiktheid in 2008 tot R27,48 verminder. Die polis het ’n sterftevoordeel van R30 627 gebied, ’n ongeskiktheidsvoordeel van R10 000 en ’n ongeluksvoordeel van R10 000.

Volgens Ozrovech was die illustrasiekoerse wat destyds gebruik is realisties vir daardie tyd. Die koerse word egter van tyd tot tyd gewysig om tred te hou met veranderende ekonomiese omstandighede en nie om verkeerde verwagtinge by kliënte te skep nie.

Kliënte word jaarliks van ’n portefeuljestaat voorsien wat die fondswaarde van ’n polis aandui.

“Sy kon dus daarvolgens sien hoe die polis se waarde jaarliks verander en haar verwagting omtrent die polis se uitkeerwaarde daarvolgens bestuur.”

Dit is ook nie waar dat die uitkeerwaarde van Fransman se polis gelyk is aan dit wat sy self inbetaal het nie, sê Ozrovech.

Volgens haar berekenings het Fransman altesame R9 085,40 inbetaal. Haar uitbetaling is dus aansienlik meer as die inbetaling. Daarby het sy voordele vir ongeskiktheid, sterfte en ongeluk gehad.

Oor Fransman se tweede klagte sê Ozrovech dat die polis op 1 Mei 1987 vir ’n termyn van 30 jaar uitgeneem is. Die kontraktuele uitkeerdatum van die polis is dus 1 Mei 2017.

Dit is die datum wat in die poliskontrak verskyn en wat aan mnr. Fransman gestuur is nadat die polis uitgereik is en wat op sy voordelestaat verskyn.

Sanlam het dus nie die uitkeerdatum eensydig verander nie.



  • geldsake

    Dis ’n verkopersmark

  • geldsake

    Pensioengeld: Moet dit nie in ’n bodemlose skuldput stort

  • geldsake

    Kyk na lang termyn om beer te tem

  • Slaap, want die dag kom nader

  • maatskappye

    V&A met hoof van Turkish Airlines

  • ekonomie

    'Skrap departement van arbeid'

  • mynbou

    Lonmin: Stakers het nie chroniese medisyne gebruik

  • maatskappye

    Reguleerder gee groen lig vir Woolies

  • ikt

    Amazon beproef beleggers se geduld

  • mynbou

    Anglo American se wins styg

  • ekonomie

    Sentrale bedinging se dae dalk getel

  • maatskappye

    Wat is Porsche se plan met Kyalami?

  • maatskappye

    Alexander Forbes verbly die JSE

  • maatskappye

    Geen keer aan V&A Waterfront se groei

  • ekonomie

    'G20-lande moet op groei en werkskepping fokus'

  • geldsake

    Spaarwenke vir Spaarmaand: Laat jou malvalekkers meer word

  • ikt

    Facebook laat die wenkbroue lig

  • maatskappye

    'Ek is gewalg' - eienaar van Amerikaanse kosgroep oor vrot vleis

  • ikt

    Vodacom sukkel in Suid-Afrika

  • maatskappye

    Bierdrinkers in Suid-Afrika maak SABMiller bly

  • energie

    Kernkrag-knyptang wag

  • ekonomie

    Koersverhoging die ‘regte stap op die regte tyd’

  • maatskappye

    5 van SA beloon aandeelhouers die beste

  • entrepreneurs

    Ouer kleinsake ‘kort ook hulp’

  • mynbou

    Aksieplan vir minerale kom gou

  • ekonomie

    Afrika is oop vir besigheid

  • ekonomie

    Belonings help vele kopers in swaar tye

  • geldsake

    Hou beleggingsoog gerig op langtermyn-doelwitte

  • entrepreneurs

    Kompetisie wys 15 finaliste aan

  • ekonomie

    Tyd om waarde te ontsluit

  • ekonomie

    Verbruikers sien wêreldwyd weer lig

  • maatskappye

    Staat se gesloer sleg vir Ellies

  • maatskappye

    Herbalife bloei voor voorlegging oor ‘bedrog’

  • maatskappye

    Welvaartmyl lok miljarde rande

  • maatskappye

    Patel wil bedryf ‘oopstel’

  • ekonomie

    Verkope wys SA sukkel

  • ekonomie

    Mercedes se S-Klas verkoop goed

  • ikt

    Apple gedy, Microsoft ly

  • mynbou

    Wêreld se grootste mynmaatskappy teken rekords aan

  • ekonomie

    Inflasie bly hoog, maar darem nie hoër