Johannesburg Verander Area
  • Vandag

    24°C / 13°C

    Wind 13km/h

    Reënval 0.0mm

    Humiditeit 25%

  • Dinsdag

    25°C / 15°C

    Wind 17km/h

    Reënval 0.0mm

    Humiditeit 25%

  • Woensdag

    25°C / 14°C

    Wind 20km/h

    Reënval 0.0mm

    Humiditeit 17%

  • Donderdag

    27°C / 15°C

    Wind 17km/h

    Reënval 0.0mm

    Humiditeit 21%

  • Vrydag

    30°C / 17°C

    Wind 14km/h

    Reënval 0.0mm

    Humiditeit 19%

  • Saterdag

    29°C / 16°C

    Wind 15km/h

    Reënval 0.5mm

    Humiditeit 22%


Cheetahs verklein groep

Greeff speel plek oop

Jóhann Thormählen
Vrydag 17 Januarie 2014

BLOEMFONTEIN. – Carel Greeff het homself gister hier op Shimlapark in die Cheetahs se verkleinde Super-groep ingespeel.

Só het Naka Drotské, die Cheetahs-afrigter, gesê nadat hy die Griekwas-flank in sy groep van 36 spelers ingesluit het wat môre vir ’n oefenkamp na Jeffreysbaai vertrek.

Die 23-jarige Greeff, wat in die voorseisoen saam met Drotské-hulle gesweet het, het nie eens vir ’n Cheetahs-oefenspan teen die Shimlas of Griekwas uitgedraf nie. Hy het in die tweede wedstryd vir die Poubloues gespeel.

Hoewel Greeff die voorlopige Super-groep gehaal het, het die OP-Kings se slot Rynier Bernardo en senter Shane Gates dit nie gemaak nie.

Hulle het sedert einde verlede jaar saamgeslyp.

Die skrumskakel Inus Kritzinger is die enigste Griffon in die groep, terwyl ses Poubloues dit gemaak het.

Drotské het voorlopig vier skrumskakels en vier hakers ingesluit. Volgens hom sal ’n haker en skrumskakel later plek maak vir twee spelers in ander posisies.

’n Groep van 36 spelers sal Maandae en Dinsdae in die Super-reeks saamoefen. Daarna word spelers wat nie in ’n 22-tal is nie, vir die res van die week terug­gestuur na hul Vodacombeker-spanne.

Greeff het aan die begin van 2013 nog Varsitybeker-rugby vir Wits gespeel en was later ’n uitblinker vir Griekwas in die Curriebeker-reeks.

Met dié dat Heinrich Brüssow (toon­besering) minstens die eerste ses Super-wedstryde gaan misloop, kan Greeff dalk net ingespan word.

Drotské sal hom waarskynlik weer in oefenwedstryde laat speel.

Die Cheetahs pak Dinsdag die Madibaz en Saterdag die OP-Kings in Port Elizabeth. Op 1 Februarie speel hulle teen die Pumas in Parys.

“Oor die algemeen is ek tevrede,” het Drotské oor die oefenwedstryde gesê.

“Daar was geen beserings nie en ons diepte lyk heelwat beter.”

Hy was beïndruk met Greeff, die vleuel Cornal Hendricks, skrumskakel Kevin Luiters en slot Hilton Lobberts wat na vore getree het.

Volgens Drotské het Hendricks gewys hy kan ook buitesenter speel.

“Cornal het die X-faktor wat ’n ou nodig het.

“Jy het ’n ou soos Sarel (Preto­rius) wat jy weet dit het; Johan Goosen het dit en Johann Sadie het dit. Dan het jy skielik opwindende vleuels – Raymond (Rhule) is ook daar – en Willie (le Roux) op heelagter. Dit maak ’n ou opgewonde.

“Dit is die eerste keer in ’n lang tyd dat ons vier of vyf spelbrekers in ons span het.”

Die haker Torsten van Jaarsveld se insluiting beteken die Griffons se AJ le Roux is uitgelaat; die slot Waltie Vermeulen het dit ook nie gemaak nie.

Nicolaas (Max) van Dyk, ’n oud-vaskop van die Jong Bokkies wat deesdae by Griekwas gekontrakteer is, tel onder die stutte.

Cheetahs-groep: Trevor Nyakane, Caylib Oosthuizen, Coenie Oosthuizen, Rossouw de Klerk, Max van Dyk, Adriaan Strauss, Ryno Barnes, Hercu Liebenberg, Torsten van Jaarsveld, Lood de Jager, Andries Ferreira, Hilton Lobberts, Francois Uys, Ligtoring Landman, Boom Prinsloo, Carel Greeff, Lappies Labuschagné, Oupa Mohoje, Philip van der Walt, Jean Cook, Sarel Pretorius, Shaun Venter, Kevin Luiters, Inus Kritzinger, Elgar Watts, Johan Goosen, Riaan Smit, Francois Venter, Howard Mnisi, Johann Sadie, Piet Lindeque, Raymond Rhule, Cornal Hendricks, Rayno Benjamin, Willie le Roux, Hennie Daniller.



  • rugby

    ‘Ek is nou ’n Fransman’

  • rugby

    Dis weer Blou Maandag

  • rugby

    5 Curriebeker-lesse

  • gholf

    Connie kraai koning

  • sokker

    Leicester skok Rooi Duiwels

  • rugby

    Duncan verheug oor bonuspunt

  • meersport

    Lewis in binnebaan ná Singapoer-sege

  • rugby

    GW ‘veg om te oorleef’

  • atletiek

    Kibor laat Kenia-vlag in Kaap wapper

  • krieket

    Blizzard waai Cobras heeltemal van koers

  • meersport

    Tuks en Pukke maak hul stem dik

  • rugby

    Haaie se triomf ’n lafenis

  • rugby

    Cheslin en kie eindig op hoë noot

  • TV-hoogtepunte: 22 September

  • Uitslae: 21 September

  • skole

    Middelburg moker 499!

  • skole

    Nellies op pad na Noordvaal

  • gholf

    Teater van drome

  • meersport

    Irene: Ikoon en rolmodel

  • rugby

    Franse geldrugby al eeu lank turksvy

  • rugby

    Tyd vir wenrugby, Bulle

  • rugby

    Perses wil tuishalfeind bespreek

  • rugby

    Dis Heyneke se besluit - Oupa

  • rugby

    WP soek voltal

  • rugby

    Leeus trap Pumas

  • meersport

    Jordy verja spook vir titel

  • rugby

    Shakes wil hakskene wys vir Cheetahs

  • rubrieke

    Pluimpie vir Richie, geelkaart vir Kieran

  • rubrieke

    Ondersteuners het proesel gekry

  • rugby

    Bryan vertrou op Saru

  • Uitslae: 19 September

  • TV-hoogtepunte: 20 September