Johannesburg Verander Area
  • Vandag

    20°C / 6°C

    Wind 20km/h

    Reënval 0.0mm

    Humiditeit 28%

  • Vrydag

    20°C / 7°C

    Wind 10km/h

    Reënval 0.0mm

    Humiditeit 21%

  • Saterdag

    22°C / 12°C

    Wind 17km/h

    Reënval 0.0mm

    Humiditeit 25%

  • Sondag

    22°C / 6°C

    Wind 22km/h

    Reënval 0.0mm

    Humiditeit 21%

  • Maandag

    19°C / 8°C

    Wind 16km/h

    Reënval 0.0mm

    Humiditeit 39%

  • Dinsdag

    21°C / 8°C

    Wind 14km/h

    Reënval 0.0mm

    Humiditeit 36%


Nuwe baas vir Jhb-teaters

Nduneni-Ngema sê soveel verhoë sal haar uitdaag

Rudolf Stehle
Maandag 20 Mei 2013

Xoliswa Nduneni-Ngema, voormalige uitvoerende hoof van die Staatsteater in Pretoria, is as die nuwe uitvoerende hoof van Joburg City Theatres aangestel.

Sy sal dié pos van 1 Julie beklee.

Nduneni-Ngema se aanstelling is deel van ’n herstrukturering van die uitvoerende bestuur van Joburg City Theatres, die munisipale entiteit wat die Joburg-, Soweto- en Roodepoort-teater sedert 1 Januarie vanjaar bedryf.

Bernard Jay, die afgelope 13 jaar die uitvoerende hoof van die Joburg-teater en sedert Januarie die uitvoerende hoof van Joburg City Theatres, sal terselfdertyd uit dié pos tree en van 1 Julie die nuutgeskepte pos van uitvoerende vervaardiger van die Joburg-teater beklee.

Volgens Mongane Wally Serote, die raadsvoorsitter, het die raad met die samesmelting van die Johannesburgse teaters besef die pligte van die uitvoerende hoof moet tussen twee uitvoerende beamptes verdeel word.

Jay sê hy is in sy skik met sy skuif van uitvoerende hoof van Joburg City Theatres na uitvoerende vervaardiger van die Joburg-teater.

“Dit is wat ek wou gehad het,” het hy aan Beeld gesê.

Jay het bygevoeg dat hy sedert sy aanstelling as uitvoerende hoof van die Joburg-teater sowel die werk van ’n rekenpligtige amptenaar as dié van ’n uitvoerende vervaardiger gedoen het, ofskoon dit “baie moeilik en lang ure” was.

Met die samesmelting van die bestuur van die drie Johannesburgse munisipale teaters in Januarie het dit egter vir hom “onmoontlik” geword om só voort te gaan en hy het die raad genader met die voorstel om die werk tussen twee poste te verdeel, het Jay gesê.

Nduneni-Ngema, wal al meer as 20 jaar in die kunstebedryf betrokke is, het gesê sy is “opgewonde” oor haar aanstelling, maar “bewus daarvan dat dit ’n groot uitdaging is om drie teaters te bestuur”.

Sy het gesê sy gaan as uitvoerende hoof van Bassline in Newtown en besturende direkteur van die produksiemaatskappy Sibojama Theatre bedank om ’n botsing van belange te voorkom.

Sy het ook laat blyk dat sy waarskynlik uit Dance Forum se raad sal bedank omdat sy nie tyd sal hê om dié se vergaderings by te woon nie.

Sy wil egter met die raad van Joburg City Theatres onderhandel om op die raad van die Windybrow-teater aan te bly omdat sy uit die aard van haar werk vennootskappe met ander teaters moet sluit.

Sy beplan ook om aan te bly as raadslid van die Johannesburg Fashion District omdat dit ook ’n munisipale entiteit is.



  • Banksy-straatkuns in Londen opgeveil

  • Kunstenaars in die pekel

  • Mexikaan wen Cervantes-prys

  • Wenner van Cassirer-prys aangekondig

  • Eg plaaslik; verrykend universeel

  • ‘Pink’ in Pierneef

  • Twee dekades kon ‘Pale Natives’ nie verbleik

  • Decorus môre in Johannesburg

  • Wen-radiodrama vandag op RSG

  • Volmaan op die dansverhoog

  • Uitvoering laat reg geskied aan 17de-eeuse Passie-musiek

  • Awerbuck op kortlys vir 15de Caine-prys

  • Spaanse dagblad publiseer hoofstuk van García Marquez

  • Kom dans met die digters

  • Jong musikante kan nou inskryf

  • Asemrowende Sound of Music

  • Gordimer dink sy’s klaar met romans

  • Dié fliek is verduiwels onbeholpe

  • Air Supply te sien

  • Van niks tot viniel in vier uur

  • Williams is weer Mrs Doubtfire