Johannesburg Verander Area
  • Vandag

    29°C / 14°C

    Wind 13km/h

    Reënval 0.0mm

    Humiditeit 13%

  • Dinsdag

    29°C / 14°C

    Wind 13km/h

    Reënval 0.0mm

    Humiditeit 13%

  • Woensdag

    29°C / 15°C

    Wind 14km/h

    Reënval 0.0mm

    Humiditeit 13%

  • Donderdag

    29°C / 13°C

    Wind 29km/h

    Reënval 0.0mm

    Humiditeit 16%

  • Vrydag

    23°C / 5°C

    Wind 21km/h

    Reënval 0.2mm

    Humiditeit 13%

  • Saterdag

    23°C / 7°C

    Wind 19km/h

    Reënval 0.0mm

    Humiditeit 11%


‘Karnaval van diere’ in ander gedaante

Kuns, klank kom van Keiskamma-projek

Johan Myburg
Vrydag 28 Junie 2013

Keiskamma Carnival is een van die produksies op vanjaar se Nasionale Kunstefees-program wat bemark word as openbare kuns.

Dié produksie is te sien op 5 en 6 Julie (anders as aangedui op die feesprogram) in Grahamstad en ’n meegaande uitstalling word vir die duur van die fees, tot volgende naweek, vertoon in die Monument.

Die Keiskamma-karnaval word aangebied deur die Keiskamma-trust, ’n gemeenskapsorganisasie in Hamburg in die landelike Oos-Kaap, wat deur verskeie holistiese en kreatiewe programme die gevolge van armoede beveg.

Business Arts South Africa (Basa) het in 2011 sy voorsittersprys aan die Keiskamma-trust toegeken juis vir die werk wat die trust doen. Die bekendste projek van die trust is die Keis­kamma-altaarstuk, ’n tapisserie waarin hoop in die stryd teen MIV/vigs verbeeld word. Dié werk is al oor die wêreld heen uitgestal.

Vanjaar se projek vir die Grahamstad-fees is ’n guitige verwerking van Camille Saint-Saëns se Karnaval van die diere. In ’n nuwe verwerking, in opdrag van die Samro-stigting, gebruik die komponis Allan Stephenson die Keiskamma-musiekakademie se eiesoortige klank. Dié akademie gebruik sowel Westerse as Afrika-instrumente.

Die Keiskamma-kunsprojek het die rekwisiete gemaak en marionette word deur ’n groep jong akteurs hanteer. Die soliste in die produksie is Frank Mallows en Bronwyn Clacherty (marimba). Die dirigent is Anthony Drake en die musiekregisseur is Kyla Davis.

’n Boek, A Carnavalesque Collection, word ook op die fees bekend gestel.

Keiskamma Carnival is te sien op 5 Julie om 14:00 in Fingo, Jacob Zumarylaan. Toegang is gratis. Op 6 Julie om 15:00 is die produksie in die Rhodes-kapel. Kaartjies kos R30. Besoek die webwerf www.keiskamma.org .



  • musiek

    Folk-rock ‘nie van hier’

  • Bram Fischer heel nuut ontgin

  • boeke

    Dalk effens vaal en langdradig, maar ’n broodnodige gids

  • boeke

    ‘Draalnoot’ tref met resonansie

  • boeke

    Praat met die verhemelte

  • tv

    Mens t. zombies: Wie is wie?

  • boeke

    Draakstekery met hope kleur en geur

  • boeke

    Hierdie ponie galop ...

  • boeke

    Grensboek vir af en toe lees

  • musiek

    Gabriel as 'prog god' aangewys vir sy lewenswerk

  • flieks

    Sterk vertolkings ligpunt in vrou se stryd om oorlewing

  • flieks

    Dié een sal gewis jou hare laat rys

  • dagboek

    Blitsgids

  • boeke

    Verhale oor 21 SA ikone

  • kuns

    Liefde vir natuur haar inspirasie

  • flieks

    Trefseker, maar kon méér wees

  • musiek

    Spits jou ore