Johannesburg Verander Area
  • Vandag

    20°C / 8°C

    Wind 8km/h

    Reënval 0.0mm

    Humiditeit 16%

  • Woensdag

    22°C / 8°C

    Wind 7km/h

    Reënval 0.0mm

    Humiditeit 17%

  • Donderdag

    22°C / 9°C

    Wind 6km/h

    Reënval 0.0mm

    Humiditeit 13%

  • Vrydag

    24°C / 9°C

    Wind 6km/h

    Reënval 0.0mm

    Humiditeit 13%

  • Saterdag

    25°C / 11°C

    Wind 6km/h

    Reënval 0.0mm

    Humiditeit 12%

  • Sondag

    26°C / 12°C

    Wind 6km/h

    Reënval 0.0mm

    Humiditeit 13%


SA fliekbedryf se hoës pak mekaar

Laetitia Pople
Vrydag 28 Junie 2013

“Dit is jammer dat die Kaapse Rolprentkommissie en Denis ­Lillie die bedryf mislei en die proses om ’n Suid-Afrikaanse Rolprentkommissie te stig gekaap het.”

So het Zama Mkosi, hoof van die Nasionale Rolprent- en ­Videostigting (NFVF), in ’n verklaring gesê.

Dit kom nadat Lillie, hoof van die Kaapse Rolprentkommissie (CFC), vroeër die week in ’n verklaring die registrasie en stigting van ’n Suid-Afrikaanse rolprentkommissie bekend gemaak het.

“Ons is net so geskok dat die NFVF só ’n onakkurate verklaring kon uitreik. Dit is dus moeilik om hul bewerings ernstig op te neem,” het Lillie gister in Los Angeles, waar hy en die NFVF Suid-Afrika op die jaarlikse AFCI Filmlocations-ekspo verteenwoordig, gesê.

“Ek het dokumentasie sedert April 2011 wat die voorstel aan die departement van kuns en kultuur, asook die proses noteer. Ons voorstel sal ’n toevoeging wees tot die NFVF se bedrywighede; dit moenie deur die NFVF vervang word nie.”

Hy het ook gesê daar is ruimte vir meer as een liggaam in die bedryf.

Mkosi het vervolg: “Die stigting van ’n Suid-Afrikaanse rolprentkommissie sal deur die parlement en die departement van kuns en kultuur bestuur word, nie deur ’n nieregeringsorganisasie of ’n private instansie nie.”

Sy het benadruk die NFVF het nie toestemming gegee vir die stigting van ’n Suid-Afrikaanse rolprentkommissie nie.

Lillie meen hy hoef nie toestemming van die NFVF te vra nie. Volgens die NFVF het Lillie egter te kenne gegee hy het toestemming van die NFVF, die departement van handel en nywerheid en die departement van kuns en kultuur ontvang om so ’n kommissie te begin.

Luidens Lillie se vroeëre verklaring het hy die afgelope 12 tot 18 maande met verskeie rolspelers in Suid-Afrika geskakel.

Lillie het gister egter benadruk die NFVF het nie vergaderings met die CFC bygewoon nie en dat die CFC uitgesluit word uit forums oor die ontwikkeling van ’n nasionale strategie vir rolprente. Die NFVF het verwys na ’n toespraak deur Paul Ma­shatile, minister van kuns en kultuur, vroeër vanjaar dat sy departement in die proses is om die NFVF in ’n nasionale rolprentkommissie te omskep.

Luidens die NFVF het hy reeds suksesvol aansoek gedoen om die handelsnaam Suid-Afrikaanse Rolprentkommissie te gebruik.



  • musiek

    Towerwerk

  • musiek

    Duo huldig kleinkunstenaar De Corte

  • kuns

    Johannesburg en Brighton hou saam ’n fees van foto’s

  • teater

    ‘Carmina’ wat kan praat met studente

  • flieks

    ‘Windpomp’ oorrompel op Silwerskerm

  • musiek

    Legendariese Shifty gevier

  • flieks

    Jans sê ‘jammer’

  • boeke

    Kotze vertel van Weskusverhale

  • musiek

    Van vergeetbaar tot inspirerend

  • kuns

    Nuwe kuns maak merk

  • boeke

    Na aan die finale woord

  • boeke

    Eenvoud in besinning oor God

  • boeke

    Huldebundel vir Kotze slaag pragtig

  • boeke

    ‘Western’ waarin een woord wen

  • boeke

    ‘Seksplorasie’ gee wêreldblik

  • kuns

    Waar Monet se skilderye léwe

  • The Boss en Stones se Keith reik prenteboeke uit

  • flieks

    Dankie tog vir skone Scarlett

  • flieks

    Min vlees aan storie van porno-ikoon